Asesiad Lles

Byddwn ni’n gofyn cwestiynau fel:

• beth sy’n bwysig i chi?

• beth sy’n digwydd yn eich bywyd chi ar hyn o bryd?

• pwy sy’n eich cefnogi chi ar hyn o bryd?

• beth ydych chi’n dda yn ei wneud?

• gyda beth y mae angen help arnoch chi?

• pa sgiliau yr hoffech chi eu dysgu?

• beth hoffech chi ei weld yn digwydd nesaf?

Byddwn ni’n ysgrifennu’r holl wybodaeth amdanoch chi a’ch anghenion.

Byddwn ni’n cytuno ar gynllun gofal gyda chi.

Gall eich cynllun gofal gynnwys:

• beth sy’n bwysig i chi a’ch nodau chi,

• pa gymorth sydd ei angen arnoch chi,

• pethau y gallwch chi eu gwneud eich hun,

• cymorth rydych chi’n ei gael gan eich teulu a’ch ffrindiau,

• cymorth y gallwch chi ei gael yn eich cymuned, a

• chymorth sy’n cael ei gynnig gan y cyngor.

Mae Deddf Gwasanaethau Cymdeithasol a Llesiant 2014 yn nodi sut y dylai gwasanaethau yng Nghymru gael eu darparu.

Mae’n dweud wrthon ni pryd a sut y dylai asesiadau gael eu cwblhau.