Eiriolaeth
Gallwch ddysgu mwy am eiriolaeth a sut y gallai eich helpu.
Beth yw eiriolaeth?
Mae eiriolaeth yn helpu pobl i siarad drostynt eu hunain os oes angen help arnynt.
Gall eiriolaeth eich helpu i gael mwy o ddewis a rheolaeth dros eich bywyd.
Mae ein gwasanaethau eiriolaeth lleol yn annibynnol ar y Gwasanaethau Cymdeithasol.
Mae yna wahanol ffyrdd o gael help i siarad am rywbeth os ydych chi’n poeni amdano.
Gall eich ffrindiau neu’ch teulu eich helpu i siarad.
Mae People First yn sefydliad hunan-eiriolaeth sy’n cael ei redeg gan bobl sydd ag anabledd dysgu.
Gall People First eich helpu i ddysgu siarad drosoch eich hun.
Maent yn helpu pobl i:
- leisio eu barn,
- sefyll dros eu hawliau a
- gweithio i newid agweddau.
Maen nhw’n cynnal nifer o grwpiau ac ymgyrchoedd rheolaidd y gallwch chi gymryd rhan ynddynt.
Gallwch ddefnyddio eiriolwr annibynnol.
Eiriolwr proffesiynol ydyw a fydd yn cwrdd â chi a’r bobl sy’n bwysig i chi. Bydd yn dysgu beth rydych chi am weld yn digwydd ac yn eich helpu i siarad.
Mae gwasanaethau Eiriolaeth Broffesiynol yn cael eu darparu gan Borth Caerdydd a’r Fro. Byddant yn eich cyfeirio at y gwasanaeth eirioli cywir i chi.
Gall unigolion, gofalwyr neu weithwyr proffesiynol wneud atgyfeiriadau. Gallwch eu ffonio ar 080 8801 0577.