Tîm Iechyd Anableddau Dysgu

Os ydych chi’n teimlo’n sâl neu os oes angen cyngor meddygol arnoch chi, dylech chi:

• weld eich meddyg teulu, neu
• ffonio 111.

Maen nhw’n gweithio gydag oedolion sydd wedi cael diagnosis o anabledd dysgu.

Maen nhw’n cynnig cymorth iechyd arbenigol o amgylch eich anabledd dysgu pan fydd eich anghenion yn methu cael eu bodloni gan wasanaethau gofal iechyd arferol.

Maen nhw’n gweithio ochr yn ochr â gwasanaethau iechyd a gofal cymdeithasol eraill i sicrhau bod eich anghenion iechyd yn cael eu bodloni.

Mae’r nyrsys hyn wedi cael eu hyfforddi i ddeall anableddau dysgu a chanolbwyntio ar gefnogi pobl gydag:

• anghenion iechyd cymhleth,
• epilepsi,
• anghenion iechyd meddwl, ac
• anghenion ymddygiad.

Mae dietegwyr wedi cael eu hyfforddi i ddeall anableddau dysgu a byddan nhw’n gweithio gyda phobl sydd angen cymorth arbenigol yn ymwneud â bwyd a diod.

Mae therapyddion galwedigaethol yn asesu sgiliau bywyd bob dydd pobl ac yn gallu dweud pethau wrthyn nhw, fel:

• sut i ddysgu sgiliau,
• pa gymhorthion ac addasiadau bach allai helpu, neu
• yr amgylchedd gorau ar gyfer y person.

Maen nhw hefyd yn gweithio gyda’r ffisiotherapydd i’ch helpu chi gydag ystum eich corff.

Mae ffisiotherapyddion yn gweithio gyda phobl y mae symudiad mewn rhan o’u corff yn gyfyngedig achos:

• anabledd,
• salwch, neu
• anaf.

Mae’r ffisiotherapyddion wedi cael eu hyfforddi i ddeall anabledd dysgu. Maen nhw’n gweithio yn y gymuned.

Mae hwn yn feddyg arbenigol sy’n gallu asesu, rhoi diagnosis a thrin:

• salwch meddwl,
• dementia,
• ymddygiad heriol, ac
• epilepsi.

Mae seicolegydd yn cefnogi pobl sy’n cael anawsterau gyda’r ffordd maen nhw’n teimlo, yn meddwl ac yn ymddwyn. Byddan nhw’n ceisio deall yr achosion a pha gymorth sydd ei angen.

Mae’r therapydd lleferydd yn asesu sgiliau cyfathrebu pobl ac yn helpu i gefnogi cyfathrebu gwell.

Maen nhw hefyd yn asesu pobl sy’n cael trafferth bwyta ac yfed ac yn rhoi cyngor ar sut y gall pobl fwyta ac yfed mor ddiogel â phosibl.

• help i gynllunio rhyddhau o’r ysbyty,
• cymorth arbenigol i gael y gofal iechyd sydd ei angen arnoch chi,
• cymorth gyda’ch ymddygiad neu eich iechyd meddwl, neu
• help gan un o’r gweithwyr iechyd proffesiynol.

Rydyn ni’n gweithio’n agos gyda’r tîm iechyd. Os yw’r tîm gwaith cymdeithasol yn gysylltiedig â chi, maen nhw’n gallu gwneud atgyfeiriad os oes angen un arnoch chi.